КӨЗДІҢ САУЛЫҒЫН ЖАҚСАРТУҒА АРНАЛҒАН ЖАТТЫҒУЛАР
Біз бәріміз белсенді болу және жаттығуларды жүйелі түрде жүргізу арқылы денемізді сау ұстаудың қаншалықты маңызды екенін білеміз. Бірақ, сіз өзіңіздің көзіңізді де жаттықтыра алатындығыңызды білдіңіз бе? Көзге арналған жаттығулар көздің бұлшық еттерін нығайтуға, фокусты, көздің қозғалысын жақсартуға және мидың көру орталығын ынталандыруға арналған.
Көру мүшесі ұзақ уақыт бойы тұрақты жұмыс істегенде, оның бұлшықеттері шаршайды. Бұл әсіресе компьютерде жұмыс істеу, телефонға қарау немесе кітап оқу кезінде жиі байқалады. Осыған байланысты көздің демалуы үшін қарапайым жаттығулар көмектеседі.
1. 20 минут бойы компьютер немесе басқа экран алдында жұмыс істеген соң, 20 секунд бойы 6 метр қашықтықта орналасқан затқа қарап, көзді тынықтырыңыз.
2. Жұмыс орнынан немесе басқа экраннан алыстап, екі қолыңызбен көзді жауып, бірнеше минут демалыңыз. Бұл әдіс көздің бұлшықеттерін тыныштандыруға және оларды демалдыруға көмектеседі.
3. Көзді жоғары және төмен жылжытыңыз. Бұл жаттығуды бірнеше минут бойы орындаңыз.
4. Көзді оңға және солға жылжыту, бұл көз бұлшықеттерінің икемділігін арттырады.
5. Көздеріңізбен диагональды сызықтар бойынша қозғалыс жасаңыз. Бұл жаттығу көздің бұлшықеттерін толықтай тартады.
6. Көзді сағат тілімен және кері бағытта бірнеше рет айналдырыңыз.Бұл жаттығуды 2-3 минут бойы орындаңыз.
Көздің саулығын жақсарту үшін көзге арналған жаттығуларды күнделікті орындау маңызды. Осы қарапайым жаттығуларды орындау арқылы көздің шаршауын төмендетіп, көру қабілетін сақтауға болады. Сонымен қатар, дұрыс тамақтану мен көзді қорғау шаралары да маңызды роль атқарады. Көздің денсаулығына мән беру, тек жақсы көру қабілетін ғана емес, өмір сапасын да жақсартуға септігін тигізеді.
