Қазақстан халқы 20 286 084 адамға жетті: қай өңірлерде өсім жоғары?
Фото: Егемен Қазақстан
Қазақстан халқының саны 2025 жылғы 1 қаңтардағы мәлімет бойынша 20 286 084 адамға жетті. Бұл туралы Ұлттық статистика бюросы хабарлады.
Қала мен ауыл тұрғындары:
•Қала халқы – 12 774 743 адам
•Ауыл халқы – 7 511 341 адам
Халық өсімі:
2024 жылдың басынан бері халық саны 252 242 адамға артты. Оның ішінде:
•Табиғи өсім есебінен – 235 078 адам
•Көші-қон есебінен – 17 164 адам
Өсім қай өңірлерде жоғары?
Халық саны ең қарқынды өсіп жатқан қала – Астана, мұнда бір жылда 6,91%-ға артты. Одан кейін Алматы (+2,86%) және Шымкент (+2,80%) келеді.
Халқы көп облыстар:
Республикалық маңызы бар қалалардан бөлек, ең көп халық Түркістан облысында шоғырланған – 2 105 272 адам. Одан кейін Алматы облысы (1 551 153 адам), Жамбыл облысы (1 221 184 адам) және Қарағанды облысы (1 125 846 адам) тұр.
